الترند العربي – القاهرة
(1)
تحدثت الفنانة فيفي عبده، عن زيجاتها، قائلة: “أنا اتجوزت 5 مرات في حياتي وكلهم جوازات كانت عرفي ما عدا أول جوازة كانت شرعي، وكنت صغيرة وقتها ومكنش عاوز يطلقني، ومن وقتها قلت لازم أتجوز عرفي عشان يبقى الموضوع سهل”.
(2)
فيفي عبده قالت خلال لقائها مع الاعلامية وفاء الكيلاني، ببرنامج “السيرة”، المذاع على قناة DMC، أمس الجمعة: “بس لما خلفت بناتي خليت الزواج شرعي، وأول مرة خلفت كان عندي 25 سنة، ويمكن اتجوزت كتير لأن أي ست لما تتطلق ومتبقاش مرتبطة بيطلعوا عليها اشاعات، وأنا كنت بحب أقطع عرق وأسيح دمه وأتجوز على طول”.
(3)
الفنانة فيفي عبده، تابعت: “عمري ما عملت فرح قبل كده في كل زيجاتي، لكن في مرة كنت بصور فيلم اسمه الستات وقلت لمحمد جوزي تعالى ننزل من على السلم في زفة وكنت مخلفة وقتها هنادي بنتي”.
(4)
الراقصة فيفي عبده كشفت حقيقة تعرضها للطلاق بسبب عبد الحليم حافظ، قالت: “أنا أجرت شقة مخصوص في الزمالك عشان أقعد مع الفنانين لأنها كانت مشهورة بأنها قاعد فيها فنانين كتير، وفى مرة كنت مستنية زوجي في كافتيريا، وكان عنده اجتماع في نفس المكان اللى أنا فيه ودخل عبد الحليم حافظ وشفيق جلال الكافتيريا ونده عليا، وقالي يا بت بيقولوا عليكي رقاصة شاطرة، وقعدت معاه على الترابيزة ولما زوجي نزل وشافني كان هيطلقني بسبب كده”.
(5)
فيفي عبده تحدثت عن قصة حبها لشخص هندي، حيث قالت: “اتعرفت عليه في لندن وطلعنا على الهند واتفقنا على الجواز، وفي مرة لما كان في لندن قالي أنا جاي مصر بكرة، وأنا بيتقطع نفسي في بيتنا لأن مفيش أسانسير وأنا ساكنة في الدور الخامس، فروحت أجرت فيلا في المهندسين ووروحت أجيبه من المطار وأنا رايحة على الفيلا مش عارفه مكانها وجيبت السمسار يوديني ليها بس معجبتهوش ولما أخدته البيت عند أمي حب المكان أوي، بس متقابلناش تاني لأن والدي وقتها أتوفى ومكنش ينفع أسيب اخواتي وأسافر معاه”.
