“سالي عبد السلام حديث السوشيال ميديا بعد فشل قصة زواجها
تصدرت الإعلامية والمذيعة بالراديو والتليفزيون سالي عبدالسلام، مؤشرات بحث جوجل، بالإضافة إلى تصدرها الترند على مواقع التواصل الاجتماعي بعد ظهورها وهى تحكي قصتها خلال برنامجها “قصة حقيقية” المعروض عبر فضائية التليفزيون المصري.
وقالت سالى عبد السلام خلال تقديمها لبرنامجها: “عملنا البرنامج ده عشان نجبر بخاطركم .. بس مكنتش أتخيل إن رسايلكم وتعليقاتكم هى اللى هتجبر بخاطرى”.
كما قدمت الشكر لمتابعيها على ثقتهم فى برنامجها، وأعربت عن سعادتها بعد وصول برنامجها لقلوب الكثير على السوشيال ميديا، لافتة إلى دورهم فى مساندتها وقت ضعفها، وقالت: “أنا جيت معظم الحلقات اللى صورناها معيطة.. مش مكسوفة إنى أقول إنى كنت معيطة.. أهلى دايما بيستنوا منى أنى ابقى قوية برغم اللى حصل”.
وتابعت: “كنت باجى التصوير كتير جدا معيطة وبالذات الشهر ده لأنى كنت ممنية نفسى إنى هكتب كتابى وكنت هتجوز بس الموضوع لم يكتمل لأن أغلبية اللى بنعرفهم مبقوش اد المسؤولية ومبقهوش رجالة مبقوش يستاهلوا”.
وأكملت حديثها وهي تبكي على الهواء: “رضيتنى ولك الحمد حتى ترضى .. خدت حاجات كتير أوى ومكنتش متوقعة إنها تتاخد منى فى الوقت ده .. بس انت عوضتنى يالله”.
واتمت حديثها برسالة شكر لمتباعيها قائلة: “بشكركم إنى النهاردة مبسوطة هنام فرحانة ممكن تكون دموع فرح مش زعل على الأقل جبرت بخطر ناس حتى ولو قليل”.
