فيديو.. عمرو أديب يشكو الأهلي للنائب العام بسبب أبو تريكة

الترند العربي – القاهرة

(1)
شن الإعلامي عمرو أديب هجومًا ضاريًا على إدارة النادي الأهلي برئاسة محمود الخطيب، وذلك بعدما قيام الصفحة الرسمية للأهلي بتقديم التهنئة إلى محمد أبو تريكة لاعب الأهلي السابق بعيد ميلاده رغم صدور حكم محكمة ضده بوضعه على قوائم الأرهاب.

(2)
عمرو أديب قال خلال تقديم برنامجه “الحكاية” المذاع عبر قناة “mbc مصر”: “‏عمرو أديب:الأهلي باعت تهنئه لاقو تريكه ليه؟.. ده إرهابي! الأهلي باعت تهنئه لواحد فاقد حسن السمعة.. دي المحكمة اللي قالت مش أنا.. الأهلي لازم يطلع بيان يعتذر فيه.. أنا ببلغ النائب العام إن الأهلي بيتحدي حكمك ودي غلطه لا تقع فيها مؤسسة على أرض مصر”.
(3)
الإعلامي عمرو أديب أضاف: “‏إمبارح كان عيد ميلاد كابتن محمد أبو تريكة.. الناس بتهنيه قولت ماشي مشجعين وبتحصل.. لكن لما صفحة النادي الأهلي الرسمية تنزل تهنئة رسمية لمحمد أبو تريكة وتتجاهل الحكم الصادر ضده… هنا لازم وقفه وأنا بقولها وأجري على الله”.
(4)
عمرو أديب تابع: “‏السؤال هل إدارة الأهلي برئاسة الخطيب مبتحترمشي أحكام القضاء المصري.. هو كلاعب على عيني وراسي لكن ده شخص مدرج في قوائم الإرهاب إزاي مؤسسة تابعه للدولة تنزل ليه تهنئة حد يفهمني!.. واللي ناوي يقولي أنا واخد القصة زمالك وأهلي بقوله ابدًا والله أنا بتكلم علشان مصر”.
(5)
الإعلامي عمرو أديب اختتم: “أنا بحترم مجلس إدارة الأهلي وكابتن الخطيب والعامري فاروق.. لكن مطالبين بتوضيح تهنئة أبو تريكة دي نزلت على حساب الأهلي إزاي.. لو غلطة تتمسح وينزل إعتذار علشان مينفعشي نوصل للناس إن الشخص ده بطل وهو عليه أحكام من القضاء ولو هما موافقين على كده محدش يرجع يزعل بعد كدة”.