فيديو. عماد متعب يفتح النار على الأهلي بعد تحريضهم ضده

الترند العربي – القاهرة

(1)

فتح عماد متعب لاعب الأهلي السابق على النار على ناديه، بعدما قام أحد مسؤولي النادي الأهلي بتحريض القناة التي يعمل بها ضده، بعدما انتقد الجنوب أفريقي بيتسو موسيماني المدير الفني للفريق الأول لكرة القدم بالنادي الأهلي عقب مباراة القمة الأخيرة.

(2)

عماد متعب قال في تصريحات متلفزة عبر برنامج ”آخر النهار” الذي يقدمه الإعلامي تامر أمين على قناة “النهار”: “فيه مسؤول كبير في الأهلي ليه علاقة بمنظومة الإعلام، كلم القناة اللى شغال فيها بعد لقاء القمة أمام الزمالك، وكلم كل القنوات علشان تهاجمني بسبب أني اتكلمت بشكل شاف أنه مش كويس على موسيماني بعد مباراة القمة”.

(3)

لاعب الأهلي السابق أوضح: “اللي قولته خلال الاستديو التحليلي للقاء، أن موسيماني عمل 70 دقيقة بشكل هايل وعمل جيم كبير، لكن تغيير أفشة وشريف، ضيعوا على الأهلي الفوز بنتيجة تاريخية”.

(4)

عماد متعب أشار: “الكلام ده معجبش المسؤول ده، وراح كلم القناة اللي انا شغال فيها وقالهم أزاي تسمحوا لعماد متعب يهاجم موسيماني، وكلم بقية القنوات علشان الناس تطلع تهاجمني”.

(5)

مهاجم الأهلي السابق أردف: “بقول للمسؤول ده عيب تعمل معايا كده، وأنا متربي طول عمرى في النادي الأهلي، ومش بتكلم غير لمصلحة الأهلي، وأنا مش هسكت وكلمت المهندس خالد مرتجي وأخبرته بهذا الأمر، وهكلم الكابتن محمود الخطيب”.

(6)

عماد متعب اختتم: “رنيت على المسؤول ده شخصيًا ومردش عليا، ولو كلمته هيقوله محصلش، ودي مش أول مرة يعملها معايا، قبل كده في وقائع كثيرة كان يحرض الناس عليا في المواقع والقنوات علشان الناس تهاجم عماد، وبقوله ملكش دعوة بيا”.