رياضةرياضة مصرية

هجوم ناري من “أحمد عيد” ضد “سيد عبد الحفيظ”:

خليك في فريقك وبلاش تزييف

الترند العربي – القاهرة

(1)
شن احمد عيد عبدالملك ضيف برنامج زملكاوي عبر قناة الزمالك هجومًا شرسًا ضد سيد عبدالحفيظ مدير الكرة بالنادي الأهلي بعد تصريحاته ضد الزمالك.

(2)
أحمد عيد قال: “تصريح غريب ملكش علاقه بالزمالك أنت تتكلم عن فريقك أحنا مكناش طرف في ماتش النهاردة، وأنت نفسك قولت أن في مصلحتكم تأجيل ماتش المحلة، متطلعش تقول تصريحات وتعمل بوم في الهوا أنت الضغط عليك أنت أحنا مش مضغوطين، فين تكافؤ الفرص أنت لسه في دور الـ 16 من الكأس لما تلعبه وتلعب دور الـ 8 وتوصل لربع لنهائي أبقى أتكلم عن تكافو الفرص.
(3)
أحمد عيد عبد الملك واصل حديثه، قائلاً: “تصريحات غريبة من أحمد مجاهد وأنه لازم يضغطنا علشان الأهلي مضغوط طب أنت اجلتله ماتشات علشان كان مشارك في بطولة تانية، أنت مشقلب الماتشات، مش دي التصريحات اللي بتعمل تعصب وتدخل الزمالك في الموضوع ليه وعاوز تجيب الجونة تلعبه في القاهرة ليه وتدخلهم في الموضوع ليه، هو داخل الدوري بفرقتين، حاجه غريبة.
(4)
أحمد عيد عبد الملك أضاف: “بيتقال أننا هنا بنعمل تعصب التصريحات اللي بتطلع من مسئول رسمي بيطلع يكلم علينا وبيعمل تصعب وجمهور الزمالك غضبان منها، هل في حد في الجهاز الفني أو الإداري للزمالك بيطلع يتكلم عليكم، كانوا بيقولوا أصل أحنا بنرد على الناس اللي موجوده طب هم مش موجودين بتردوا على مين، التصريحات دي علشان يضغطنا الكلام ده قدم عاوزين نشوف طرق حديثة للتصريحات، متجيش تقول أحمد عيد وخالد الغندور بيعملوا تعصب، وأنتم اللي بتعملوا التعصب”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى