نجوى فؤاد تصف الساحل الشمالي بـ “الكباريه”
الترند العربي – متابعات
علقت الفنانة نجوى فؤاد على انتشار الراقصات الروسيات في الساحل الشمالي.
وقالت نجوى فؤاد في تصريحات نقلها موقع “مصراوي” إنها اعتزلت الرقص الشرقي منذ 16 عام وأنها لم تعاصر تحية كاريوكا وسامية جمال، إلا في أواخر مسيرتهم، وكانت تحترم رقص نعيمة عاكف، وكانت تسير على نفس مناهجهم.
وتحدثت عن بعض الأماكن الموجودة في الساحل الشمالي بأنها تحولت إلى “كباريه درجة ثالثة”، مضيفة: “بلاش نعمم على الكباريهات كلها لأن فيه كباريهات محترمة، وللأسف الراقصات الروسيات بوظوا المصريات، إحنا لنا تقاليدنا وديننا وطريقتنا وطابعنا”.
وأضافت: “ربنا قال احتشموا، الواحدة لما تحتشم في اللبس العادي الناس تحترمها، لكن لو محتشمتش تبقى رخيصة وإنسانة أقل من عادية”.
وتابعت: “الرقص الشرقي انقرض في مصر، الروسيات بترقص بشكل تدريبي، بدون إحساس من الداخل، أو تقديم الطابع الشرقي”.
وأكملت: “معنديش مشكلة ياكلوا عيش ويشتغلوا، لكنهم بياخدوا أرقام فلكية والعري زيادة عن اللزوم، لازم يكون في رقابة، ده مينفعش لأنهم بيسافروا مهرجانات وبيروحوا أفراح عائلات فيها أطفال ومراهقين ميصحش ده يبان ليهم.. كله عريان ده إحنا مسلمين ولنا احترامنا”.
